Maktabgacha taʼlimda bolani erta rivojlanishi va maktabgacha taʼlimga tayyorlash dasturi

Oʼzbekiston Respublikasi hukumati ilk va maktabgacha yoshdagi bolalarni yaxshi sifatdagi maktabgacha taʼlim bilan qamrab olishni kengaytirish maqsadlarida mamlakatda maktabgacha taʼlimni rivojlantirish boʼyicha besh yillik Davlat dasturini va Yoʼl xaritasini ishlab chiqdi

1. Maktabgacha taʼlimni rivojlantirish boʼyicha davlat vazifalarini bajarish uchun Maktabgacha taʼlim vazirligi tashkil etildi

2. Maktabgacha taʼlim Oʼzbekiston Respublikasi hukumatiga maktabgacha taʼlimni rivojlantirish boʼyicha saʼy-harakatlariga texnik yordam koʼrsatadigan YuNISEFning asosiy ustuvor vazifalaridan biri boʼlib sanaladi. Maktabgacha taʼlim vazirligi va YuNISEFning 2018 yilga moʼljallangan hamkorlikdagi yillik rejasi bir nechta chora-tadbirlarni oʼz ichiga oladi. Bu rejaning yutuqlaridan biri boʼlib maktabgacha taʼlim uchun kompetentli-yoʼnaltirilgan “Ilk qadam” Davlat oʼquv dasturining ishlab chiqilishi, shuningdek, Oʼzbekiston Respublikasi hukumati tomonidan tasdiqlangan ilk va maktabgacha yoshdagi bolalarni rivojlantirishga qoʼyiladigan Davlat talablarining yangilanishi hisoblanadi. Davlatning bu ikki hujjati maktabgacha taʼlim sohasidagi boshqaruvchilar, maktabgacha taʼlim tizimidagi pedagoglar turli xildagi MTM larda taʼlim oluvchi har bir bolaning yuqori sifatli taʼlim olishini taʼminlash maqsadlarida yoʼriqnoma sifatida foydalanadigan asosiy hujjatlar boʼlib hisoblanadi.

Davlat dasturi sifatida Ilk qadam dasturining alohida muhimligi shundan iboratki, bunda u oʼz ichiga oʼqitishning pedagogik maqsadlarini oladi, kun davomida bolaning taʼlim olishi tuzilmasini taʼminlaydi, shuningdek, pedagoglar bola rivojlanishining qaysi eng muhim jihatlariga oʼz diqqatlarini jamlashlari lozimligi tushunilishini taʼminlaydi. Davlat dasturi boʼlish bilan birga Ilk Qadam dasturi butun maktabgacha taʼlim tizimini toʼliq qamrab oladigan va uni tartibga soladigan “yomgʼirpoʼsh” sifatidagi taraqqiyparvar hujjat boʼlib sanaladi. Mana shu bilan Ilk Qadam dasturi turli xil bolalar guruhlariga har xil provayderlar tomonidan taqdim etiladigan maktabgacha taʼlimning bir xil sifatini taʼminlashga moʼljallangandir. Dastur pedagoglarga bolalar uchun ragʼbatlantiruvchi oʼqitish muhitini qanday qilib yaratish va bunga ota-onalarni ham qay yoʼl bilan jalb qilishni tushunish va bilib olishga yordam beradi.

Maktabgacha taʼlim muassasasi (MTM)ning davlat oʼquv dasturi Oʼzbekiston Respublikasida ilk va maktabgacha yoshdagi bolalarning rivojlanishiga qoʼyiladigan Davlat talablariga mos holda ishlab chiqilgan meʼyoriy-huquqiy hujjat boʼlib, unda maktabgacha taʼlim muassasasining maqsadlari va vazifalari, oʼquv-tarbiyaviy ishlarning asosiy gʼoyalari aks etgan, shu jumladan, taʼlimning keyingi bosqichiga oʼtishda bolaning asosiy kompetentsiyalari belgilab berilgan. Davlat taʼlim dasturi Oʼzbekiston Respublikasi hududida joylashgan quyidagi taʼlim muassasalarida qoʼllash uchun majburiydir:

davlat maktabgacha taʼlim muassasalari;

maktabgacha taʼlim sohasida xizmatlarni koʼrsatadigan nodavlat taʼlim muassasalari:

 maktabgacha yoshdagi bolalar guruhlariga ega boʼlgan “Mehribonlik” bolalar uylari;

 maktabgacha va boshlangʼich taʼlimni tartibga soluvchi boshqaruv organlari.