O‘zbekiston Respublikasi Maktabgacha ta’lim vaziri o‘rinbosari

Muslitdinov Nodir Xojiyevich O‘zbekiston Respublikasi Maktabgacha ta’lim vazirining o‘rinbosari etib tayinlandi.
Nodir Muslitdinov 1977 yilda Buxoro viloyatida tug‘ilgan, millati o‘zbek. Oliy ma’lumotli, 1999 yilda Buxoro oziq-ovqat va yengil sanoat texnologik institutini tamomlagan.
Mehnat faoliyatini 1999 yilda Davlat mulki qo‘mitasining viloyat bo‘limi yetakchi mutaxassisi sifatida boshlagan.
2000-2001 yillarda Buxoro viloyati Moliya boshqarmasining jamlanma byudjet bo‘limining yetakchi iqtisodchisi bo‘lgan. 2001-2006 yillarda Moliya vazirligi tizimidagi tashkilotlarda ishlagan.
2006-2014 yillarda O‘zbekiston Respublikasi Moliya vazirligi huzuridagi Respublika maqsadli kitob jamg‘armasida o‘z faoliyatini olib bordi.
2014-2016-yillarda-O‘zbekiston Respublikasi Moliya vazirligi ijtimoiy soha va fanni moliyalashtirish Bosh boshqarmasining Madaniyat va sportni moliyalashtirish bo‘limi boshlig‘i;
2016-2017 yillarda – O‘zbekiston Respublikasi Moliya vazirligi ijtimoiy va ilmiy moliyalashtirish Bosh boshqarmasi boshlig‘i muovini;
2017-2019 yillarda-O‘zbekiston Respublikasi moliya vazirligi ijtimoiy va ilmiy moliyalashtirish Bosh boshqarmasi boshlig‘ining birinchi o‘rinbosari;
2019-2020-yillar-O‘zbekiston Respublikasi Moliya vazirligi ijtimoiy va ilmiy moliyalashtirish Bosh boshqarmasi boshlig‘i kabi turli rahbar lavozimlarda ishlagan.
2020-2020 yillarda O‘zbekiston Respublikasi Moliya vazirligining ijtimoiy soha, fan va aholini ijtimoiy muhofaza qilish ob’ektlarida byudjet siyosati departamenti direktori lavozimida ishlagan.

U tayinlangunga qadar O‘zbekiston Respublikasi Moliya vazirligining aholini ijtimoiy muhofaza qilish va davlat ijtimoiy xizmatlari sohalarida byudjet siyosati departamenti direktori bo‘lgan.

Nodir Xojiyevich Muslitdinov
📞 71 207 04 08
📧 n.muslitdinov@mpe.uz


Maktabgacha ta’lim vazirligi Axborot xizmati