"Саломатлик алифбоси" -МТВ нинг Халқаро болалар кунига бағишланган янги телевизион лойиҳаси.

Ҳурматли Ота-оналар!

Халқаро болаларни ҳимоя қилиш кунида Ўзбекистон Республикаси Мактабгача таълим вазирлиги янги лойиҳа: "Саломатлик алифбоси" телевизион дастурлари намойишини бошлайди.

3 июнь куни соат 18.50 да “Оилавий” телеканали орқали унинг илк сонини томоша қилишингиз мумкин.

"Саломатлик алифбоси" мактабгача ёшдаги болаларнинг ривожланиши борасида ота-оналарга катта кўмак беради. Ҳар бир боланинг имконияти ва қобилияти турлича эканлигини унутмаслигимиз керак. Боланинг соғлиги ва ривожланишининг ўзига хос хусусиятларини қанча тез илғасак ва уни қўллаб-қувватласак, у вояга етганида шунчалик катта имкониятларга эга бўлади.

Дастур давомида сиз фақат ишончли тавсияларни оласиз ва фарзандингизнинг ривожланиш даражасини аниқлаб, зарур ҳолларда мутахассислар ёрдамида эрта босқичдан бошлаб фарзандингизга ёрдам беришингиз мумкин.